Selamat Nai Meno' blog e'.

Selamat pegita ka-ang ilu Oko, Amai, We', Seken, Sadin, anak ngan Toyang alai layan, oban sokat nai meno' blog e' liwai ji. Ading-ading ake' ti tega tawai oban oba' nai naat kise' dau senorat e' ngan pepo pekimet ngan ne' dalem blog e' ji. Blog e' ji un kado' naen bahagian keneng poyan udip de' lapa, naat ne dau kidi ngan bada' boka un dau tira' de' sala' neng idi ngan kua' kua' pilu peteneng udip tega ka-ang ilu serepe' apan. Nyiau udip alai layan apan boka le tai petego' ca liwai laa limun kanan.

Tega Tawai.

Amaitebun

Isnin, Oktober 20, 2008

Toman Tepun Kenyah Badeng Mecin Tana' Asen Le Usun Apau.


  1. Oban Paren lepo’ ilu dalau ja, Tekuang Tasek cuk lepo’ mepit lidik ngan nepeng tip baie Lumai Bilong. Ja Lumai Bilong pelajap tip anak Tekuang Tasek. Malan ale’ du pelajap tip ja dalau udip ngelan adet Apau Lagan. Nai Tekuang Tasek taan ja penco e tai nyepet alut adau Lumai Bilong laa. Oja Tekuang Tasek nta oba’ Lumai Bilong mudip ngan re ka’ tana’ Usun Apau. Ja toman Lumai Bilong tai ngkin palai buau ka Bau (Indonesia). Ida ne Badeng Bau de’ badu re.
  2. Badeng Usun Apau nta oba’ kenta’ perintah du. Perintah Rajah Brooke cuk lepo’ ilu nai buau cen Long Data (Usun Apau) nai ka’ Long Mujan (Daerah Marudi), Marudi apan nyeng . Perintah paksa Badeng nai buau ngenyeng Marudi oban tepa pagan perintah ngan nta bayan pupu. Perintah mengin mung laki meeting ka’ Marudi ngan magang mung anak, de’ mukun ngan leto nai ngkin buau ka’ Long Mujan, Marudi. Lepo ilu Badeng la-a ngaken ngan nai kelap Long Mujan nai ka Long Data laa penco re depa galen, nyook galen maen dalem bela, noba alo Data, matai buin ngan iyap. Neng nempam ja ida kelap tai buau ka’ Long Boi (Indonesia).

    Kesimpulan;
    Cen tading Kenyah Badeng mudip nai ka Usun Apau, ntaun lepo’ du de’ ca mudip ka’ daleh ja. Beng lepo’ Penan tua’ le de’ nai mudip ngebaya’ ngan le ka. Cen se’ atek pengudip lepo’ ilu ka’ Usun Apau, nta Badeng oban oba’ kenai kelap tana’ Usun Apau. Atek maing kimet ngan nta oban mudip kenta’ perintah du pe dau re. Dalau Rajah Brooke nak bawa ka’ usun Apau nta Badeng kelap. Lepo' bio' Badeng Lidung jelo pabat ledau ayau de' nyalai lepo' iut Badeng Long Taa dalau ja re. Pepatai lepo’ du ngan perintah ka’ Kapit oban re mi-a ida kado’ matai ti ngan lepo’ ilu ka’ Usun Apau.Oja du mengin ida oyan aman ka’ Belaga ngan Marudi. Ngan la-a nta pe ida oba’ mudip ka’ aba’ songai. Ida oba’ mudip baya’ pengelo’ re tengen, kata ulu songai ngan tana’ tiga. Dalau lepo' ilu mudip ka Apau Kayan tere, nta pe ida oba' terima kemajuan. Nta pe ida oba' anak re tai sekolah ka' Lg. Nawang oban malap ida ketai kuli alo' dau re.

    Persoalan:
    Udip ilu Badeng naki, ka’ Long Busang, Data kakus ngan tana’ pampasan ka’ Koyan tua’ le tana’ sah le Badeng. Kumin tana’ Usun Apau ja? Adakah ilu Badeng berhak menuntut balik atau pampasan ke’ tana’ asen le ja? U je’ patut ilu ti/bada’ me perintah? Eh-e’ koma ilu asal cen Indonesia? Padahal asal tepun le mung (orang asli Sarawak) di jane cen Apau Dulit (Sarawak).

2 ulasan:

  1. balo tepat badeng ne manteng ale ne cen bekading de..juko le nai kelab cin alo kayan baan dau le senaak.Kenai kelap/ngeco perintah belanda ke kalimantan..nai kelab ke usun apau..anui uban lebih "strick" ale poban perintah british(James Brooke) di laa.2 perkara je tepat badeng nai kelap cin alo kayan senaak.Pertama-kelap sekolah-ngebunuk sekolah tepat badeng senaak..alo kelo ngaken ilu dau de lata kilu dalau ja te.Kedua-kebersihan-koro ale pe oban udip tepat badeng dalau ja te..perintah cuk ilu kebersihan..beng uko ketai narok le taie aso ke oseh ne...coba ikem bayangkan tepat badeng tekolang(lg geng) sekitar 1950 re..beng matai oko pelasan(Ulok) le je mencam baca me badeng tekolang dalau ja.ja pe obane sekolah pah darjah 2 ke lg nawang..ia pe laa nai ngiban tepat badeng tekolang dalau ja te..kayan nak sorat ca eiuk surat bukun nyak kapak me badeng tekolang dalau ja te..ia badeng tekolang koma ja sorat cin perintah ne..ia ketai tepat badeng kapan didai mada janan me kayan nai ti lisan lote..kuun sorat eiuk nyak kapak ja..seau pilu mudip lempe ku...uban du panyi ilu neja...nta le sokat ke me'a ngening dau ja..bawa2 neteka badeng....

    BalasPadam
  2. Balo tepat badeng ne manteng ale ne cen bekading de..juko le nai kelab cin alo kayan baan dau le senaak.Kenai kelap/ngeco perintah belanda ke kalimantan..nai kelab ke usun apau..anui uban lebih "strick" ale poban perintah british(James Brooke) di laa.2 perkara je tepat badeng nai kelap cin alo kayan senaak.Pertama-kelap sekolah-ngebunuk sekolah tepat badeng senaak..alo kelo ngaken ilu dau de lata kilu dalau ja te.Kedua-kebersihan-koro ale pe oban udip tepat badeng dalau ja te..perintah cuk ilu kebersihan..beng uko ketai narok le taie asu ke oseh ne...balo asu senganak tepat lote pe..coba ikem bayangkan tepat badeng tekolang(lg geng) sekitar 1950 re..beng matai oko Pelasan(Ulok) le je mencam baca me badeng tekolang dalau ja.ja pe obane sekolah pah darjah 1 ke lg nawang PEJA..ia pe laa nai ngiban tepat badeng tekolang(Lg Lawen naki) dalau ja te..kayan nak sorat ca eiuk sorat bukun nyak kapak me badeng tekolang dalau ja te..ia badeng tekolang koma ja sorat cin perintah (vyner Brooke)ne..ia ketai tepat badeng kapan didai mada janan me kayan nai ti lisan ke tekolang lote..kuun sorat eiuk bukun nyak kapak ja..malep mecep noban tepat badeng tekolang keneng isi sorat ji.seau pilu mudip lempe ku...boka le ke tisen baca dalau ja te de..nta pepatai nilu keja ku..uban du panyi ilu neja...nta le sokat ke me'a ngening dau ja pe odai..bawa2 neteka badeng....kumin pilu kiya.....betek ne bokem ca lundo...

    BalasPadam